هل حب البنت خيانه لاهلها؟؟

السلام عليكم ورحمة الله وبركاته




اخوانى.. أخواتي ..
أتمنى من الكل المشاركة في الموضوع ..

لما يحب شاب بنت معينة وصارح أهله بالحب ..
محد يقدر يعيبه أو يقول له شي ..!!

بس لما البنت تحب شاب معين ..
تنقلب الدنيا .. و تسير خاينه لأهلها ..
و ما تقدر تصارح حد إلا صديقاتها المقربات و مب دايما ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا الشرقي عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!

في انتظار آراءكم ..

انا من رايي يا شذي ان الحب في حد ذاته مش عيب لانه فعلا حب شريف والي بيحصل غير كده مش بيبقي حب اصلا فمعني كده فيها ايه لو البنت حبت او الولد او اي حد في الوجود وما المانع من مصارحه الاهل واذا لم يتقبلو هذا بصدر رحب فهذه تربيه خاطئه لان الي عاوز يعمل اي حاجه هيعملها محدش هيمنعهه غير الله سبحان وتعالي ........... القلوب بين اصابع الله يقلبها كما يشاء

معاكى احساس ان الحب مش عيب ومعاكى فى كل اللى قلتليه بس العيب فى نظرى ان البنت تعرف شاب من غير علم اهلها وتخرج معاه وتكلمه من وراهم هو دا العيب لكن الحب الحقيقى الشريف عمره ماكان عيب ولا حرام بس دا الحب الواضح المعلن قدام الاهل والناس كلهم مش الحب بتاع اليومين دول ان بنت تتعرف على شاب باى طريقه والطريقه الشائعه هى النت طبعا ويضحك عليها بكلمتين ويلعب بعقلها وتحبه وتعرفه من ورا اهلها هو دا العيب وللاسف دى قله عقل من البنت لان الشباب شاطرين جدا فى انهم يوقعوا بنت بالذات اللى معندهاش خبره فى الحياه وبعيده عن اهلها ودا لسبب بسيط جدا اغلب البنات مش واخده بالها منه وهو ان الشاب عارف كويس قوى وفاهم ان احلام البنات فى المقام الاول هى الحب والجوازواناغلبهم بيكونوا فاقدين للمشاعر والعواطف دى ومن هنا بيدخل الشاب والبنت للاسف مش بتاخد بالها فى كتير من الاحيان غير لما بتقع كارثه من اللى بنسمع عنها كل يوم ودا فىنظرى اسوا انواع الاستغلال واحقرها استغلال مشاعر بنت بريئه فافضل حل ان الاهل يعودوا ابنائهم على مصارحتهم باللى بيحصل فى حياتهم بدون خوف ولا خجل وللاسف دا اللى بيفتقده كتير من الشرقيين فلو الحب واضح وبموافقه الاهل او على الاقل معرفتهم عمر اى شاب ماهيقدر انه يضحك على اى بنت لكن الحب اللى من ورا الاهل دا خيانه ليهم ومبقصدش المشاعر اللى من وراهم اقصد التصرفات اللى بتحصل من وراهم كنتيجه للحب دا وللاسف غالبا البنت بس هى اللى بتدفع التمن وبتدفعه غالى جدا زى مابنقرا ونسمع قصص كتير كل يوم

عندك حق شذى
وانا ذات نفسي كل اللي بكلمهم علي النت من اوروبا مش بكلم حد عربي
انا بكلمهم لاني متأكده انهم بيفدوني في دراستي وفي حياتي
وعشان سئمت من كل العرب
كلهم وجهة نظرهم واحده وهدفهم واحد وعمرهم ما هيتغيروا
خلاص اتعودوا علي كده
موضوع جميل
تسلمي

الكلام ده صح ياشذي انتي وبولاريتس البنات الواعيه حقيقي هي الي تحب في وقت مناسب وسن مناسب ويكون بعلم اهلها ومش شرط الحب بس وكمان اي تصرف بتعمله والمفروض متخليش اي حد يلعب بعواطفها وقبل ان تتصرف اي تصرف تقول في نفسهها هل هذا التصرف سوف يرضي الله ام يغضبه اولا قبل حتي مصارحه الاهل
وعشان تعيش حيات سليمه لابد من ارضاء الله ثم الوالدين في تصرفاتك
وياريت كل بنت تكبر عقلها وتصرفاتها وتفكر بطريقه احسن وتسيبها من الحب بتاع اليومين دول كله لعب عيال

فعلا احساس كلام جميل وعاقل ياريت كل البنات تفكر زيك ودا طبعا كلام ميعجبش الولاد هههههههههههههههه