رد عليا

رد عليا حبيبي *** مش سامعني ولا ايه
ياللي كنت حبيبي *** ليه انت جارح ليه
اشتريتك .. وحبيتك .. كنت حبيبي في كل مكان
لكن انت بعت .. ايوة انت بعت .. بعت القلب اللي كان

كان بيحبك اكتر من نفسه كان بيداوي بينه وبين نفسه كل جروحك ليه
كان بيحب يسامح من تاني كان بيحب يعدي من تاني كل خيانتك ليه

ياريتني مكنتش حبيتك .. ياريتني مكنتش حسيتك .. ياريتني ما اعرف ليك عنوان
ما كنت دخلت في جوا قلبي .. ما كنت اديتك كل حبي .. مكانش دة حالي كل الاحيان

انت ليه اصبحت جارح .. قلبك ليه مكانش واضح .. انت ليه بقيت كداب
من دلوقتي كرهت الدنيا .. من دلوقتي كرهت في ثانية .. كرهت الاصحاب والاحباب

انا لا عايز اشوفك تاني .. ولا حتى اسمع قلب اناني .. انت هاتبقى مجرد ذكرى
هانسى الايام والاحلام .. ولا هاصدق أي كلام .. يتقال من دلوقتي لبكرا