وطن بمعنى الألم

آة ياوطن مرمى
فى صورة مرسومة
على الجدران
فيها أتقتلت
بلا ذنب
بلا غفران
الدم خلفية الصورة
والاشلاء على الارضية
منثورة
أمهات تصرخ
ابناء تبكى
وقلوب رجالة
مترمية مكسورة

آة ياوطن
أترسم فى صورة أنسان
أنسان غريق
فى بحر من الأحزان
بحر غويط وهايج
زية زى البركان
يثور
لكن بعد فترة يموت
ويجى علية فصل خريف
ويموت قلبة من كتر النزيف

آة ياوطن
سابح فى ليل طويل
لا ضى قمر
ولا طيف أمل
والحياة فيك
شئ مستحيل

آة ياوطن
ماتت أمك العروبة
وبقيت يتيم تبكى
لكن بدموع مسلوبة
وقلبك طفل مخنوق عياط
لما عرفت أنك
واحد من الناس
اللى على أمرها مغلوبة
..................................