أقوال الرجل للمرأه من 6 أسابيع الي 6 سنين جواز (وربنا فضيحه )

صلاح الحلواني كتب:هههههههههههههههههههههههههههههههههههههههه
بجد ضحكتيني ومن قلبي يا (وداعا للأبد)هههه
موضوع فى قمة الظرف وخفة الظل فعلا وتسلم ايدك
انما انا عندى تساؤل وياريت حد يجاوبنى عليه !!!!!!!!!!!!!!!؟
----------------------------------------------------------------------

هذا الهبوط الملحوظ فى المشاعر والبرود العاطفى الذى قد يصل يوما وبمرور الزمن الى درجة التجمّـــــــــد -- من السبب فيه ؟
مجررررررد سؤال وياريت حد يرد وحد تانى يرد باجابة مختلفة وهكذا الرأى والراى الاخر ويلا عاوزها معركة حاااااامية جداااااااا فى الرأى بين أعضاء المنتدى هههههههه خلونا نسخن شويه
واهو كله لمصلحة المنتدى
مع تحياتى واجمل امنياتى للجميع

صلاح الحلوانى

شوف ياأستاذ صلاح علي الرغم من أني ليه تعقيب علي كلمه مع تحياتي وأمنياتي للجميع دي لانها بتحسسني أنك باعت دعوه فرح في مسرح الهناجر ألا أني حأرد علي كلامك
أنا أفتكر أن الفتور ياللي بيحصل بين الزوجين ده بيكون نتيجه حتميه للرتابه وعدم التجديد ......
بمعني الست بتتجوز تقرر من بعد الفرح أنها 1- حتتخن 2- حتسخر مجهودها الحربي كله لخدمه الحلل والطاسات في المطبخ 3- أنهيار شامل وكامل في البيت كل يوم جمعه للتنظيف 4- قلب المنزل معسكر مذاركه في الشتا للأولاد 5- أنقلاب شامل وثوره عارمه للطيران ع المصايف في الصيف

وهكذا بيكون روتين الحياه وده طبعا بالنسبه للزوجه أما بقي بالنسبه للزوج بعد الفرح

1- حيقرر يكون اقرع وبكرش 2- خناقه سريعه جدا وحاميه علشان الفطار 3- فيلم هندي بعد الضهر علشان الغداء مش عاجبه 4- نهار زحل علشان عايز ينام الضهر ومش عارف من دوشه العيال 5- وطبعا ودي أهم مشكله في المصريين بالذات الرجوع من الشغل مع البطيخه المعهوده

بذمتك ده حال ينفع معاه الحياه تمشي بدون فتور

أنا رأيي أن الحل في كلمه بحبك وكلمه شكرا مع شويه هدوء وتغيير للروتين من وقت للتاني :-
يعني حيجري أيه مثلا أن الراجل لما يجيب كيلوا فاكهه الست تقوله شكرا ياحبيبي تسلم ايدك تعيش وتجيب (بدل الكلمه المعهوده .......... ياما جاب الغراب لأمه )
وحيجري أيه برضوا لما من وقت للتاني الراجل يسمع الست كلمه حلوه ولا يقولها بحبك (بدل يييييييييييووووووووووه بحبك أيه بس أنتي شكلك كبرتي وخرفتي أحنا صغيرين ع الكلام ده عيالك بقوا شحوطه ) ههههههههههههههههههههههههه

صدقوني أنا واثقه ان سر خراب حياتنا في لسانا مش في ظروفنا
ويجعله عامر

sindbad كتب:ههههههههههههههههه طيب بعد ال 6 سنين بيحصل ايه !!!!!
تسلمي يا وداعا للابد

بس على فكرة يا صلاح الحلواني السبب هو ممكن يكون التعود مثلا
تسلم

himasr.com كتب:هههههههه والله هو موضوع حلو والكلام حلو بس فيين الفعل

انتى هاتعملى بكلامك دااااااا علطووول ؟؟؟
i hope

لما تقرر أنت ترجع البيت من غير البطيخه وتحاول محاولات مستميته علشان بعد الجواز ماتكونش أقرع وبكرش وقتها حأشيل الأكياس السوده للزباله والساطور حأخليه لتقطيع راس الخروف في العيد بس

هههههههههههههههههههههههههههههههههه

ويجعله عامر