نطرح مشكله

هاقول اقترح ياريت كل واحد
عنده مشكله او موضوع جديد نناقشه مش شرط عن الحب
بس حاجه فى حيره يطرحها هنا ويارب نقدر نلاقى حل
وانا اول اللى هيعرضوا مشكله بتكرر فى الزمن ده كل يوم وياريت الاقى صدى لها الموضوع


ان شاء الله هناقش كل اسبوع مشكله وياريت نهتم بالردود لحلها
واللى يحب يطرح موضوع جديد نناقشه او
مشكله ياريت يساعدنى
بسم الله الرحمن الرحيم
انا هاسئل سؤال وكل انسان يقول رايه وختلاف
الراى لا يفسد للود قضيه بس ارجو منكم الاهتمام


السؤال
ايه رايكم فى الحب اللى
بينشئ عن الطريق الشات والنت ؟


هحكى قصة ادم وحواء ليكم بس ياريت تردواعليها وتقولولى رايكم
ادم اتعرف على حواء فى موقع من مواقع
الشات حواء اديت لى ادم ايميلها وبداوا يتكلموا مع بعض مده بعديها ادم صارح حواء بحبه وعرف ان حواء برضه
بتحبه بس كانت حواء دايما تقوله انها خايفه من الحب بعدها فضلوا يتكلموا ايميلات وتليفونات لغايت ما مره
من المرات حواء قالتله لازم ابعد علشان مااقدرش افضل كده واهلى ميعرفوش حاجه كلمها ادم وقالها لامتبعديش

وحوائ وافقت بس اتغيرت فى المعامله مع ادم وادم لاحظ كده
كلمها وقلها خلاص براحتك لو انتى
عاوزه البعد انا موافق عليه بس قلها كلام ده فى اكتر وقت كانت هى محتاجه فى ولكن كالعاده حواء ملقتش ادم
جنبها تعبت اوى وكلمته وقلتله معلش انا اسفه مش هاقول بعد كده نبعد تانى واتصلحت هى وادم
ولكن فضل
نفس الحكايه دى جوا حواء لغايت ما حسيت انها خلاص تعبت زهقت نفسها تعيش لحظه حب بامان مش كله خوف من ان
اهلها يعرفوا حكاية حبها جت حواء قالت اصارح ادم بالى جوايا يمكن يقدر يساعدنى جه ادم كلمها
قالتله انا عاوزه اقولك حاجه قالها قولى قالتله خايفه تزعل قالها لا قولى قالتله انا تعبت قالها معلش
سالته انت عارف انا تعبت من ايه قالها لا معرفش قالتله امال قلت معلش على ايه قالها علشان تعبتى قالتله
مش عاوزك تكلمنى تانى سكت
راح قالتله انا تعبت من التخبيه تعبت من انى مخبيه حبى على الناس قالها
وايه العمل قالتله شوف ظروفك وحياتك ووقت ما يناسبك تتقدم بيت اهلى موجود قالها وفى الفتره دى قالتله
منعرفش بعض تانى ولو لقيت نفسك مكنتش بتحبنى او لقيت غيرى
انسانى وميهمكش لان نصيبى اعيش مستنيه

ولو جيت هتلاقينى حاجه من الاتنين اما مستنياك او ميته قالها يعنى انتى شايفه كده قالتله لو انت
شايف حاجه تانيه قولى قالها يعنى ده اخر قرار عندك قالتله مفيش حاجه اسمها اخر قرار احنا بنتناقش قالها
هو الحب بقى مناقشه دلوقتى على العموم خلاص يا حواء قالتله انت شايف انى غلطانه قالها انا اللى غلطان
واسف سلام سلام كانت اخر كلمه بين ادم وحواء
تفتكروا مين اللى صح ومين اللى غلط ؟
ياريت اعرف
رايكم فى قصة ادم وحواء؟
ياريت نلاقى ليهم حل ؟ [/size]

الاول بشكرك جدا عالموضوع الجميييييييييييييل اوي دا
بجد فكره هايلة جدااااااااااا
تسلمي ياقمر

تعليقي بقى عالقصة:
طبعا مفيش حاجة اسمها حب النت وحب الشات
ازاي ولد وبنت بمجرد انهم يتعرفوا على بعض من خلال كلام بيكتبوه دا بقى اسمه حب
بس للاسف فيه ناس كتير قوي بيعيشوا في الامل دا قصدي في الوهم دا
وبيكون اي من الطرفين سواء الولد او البنت ممكن ميكونش صادق
بس مجرد تسلية
لان معظم البنات بتقول انا نفسي احب واتحب واسمع كلام الحب والكلام الغريب دا كله
فتحب الولد ويطلع هوا بيتسلى وبيضيع وقت معاها
والعكس ولد نفسه في بنت تكون مهتمية بيه فالبنت هي اللي تكون بتتسلى
في كلتا الحالتين الموضوع دا غلط في غلط
طبعا في القصة دي حواء صحيت بس متاخر قوي وفاقت بس بعد فوات الاوان
هي من طيبتها بتتكلم بحسن نية
بس اية اللي عرفها انه صادق معاها مش ممكن يكون هو كمان صحي
بس يصحى بطريقة مختلفة مثلا فممكن يقول اية اللي يخليني ارتبط بواحدة بتعرف شباب من عالنت
ياريت يكون قصدي واضح
انا برفض رفض تام موضوع حب النت
وممكن يتلخص الكلام ده في :-

حب الولد البنت
حبها فى ساعه وتلت
وماله ؟............
ما هو دا حب النت
هى دى الحكايه
...حكايه ولد وبنت
ودقات قلب عبيط على الانترنت
قالها بحبك بحبك
قالتله بجد؟
ضحك فى سره قال(ادينا بنتسلى واحنا قاعدين على النت)
بجد حبيبتىانتى اميرتى
.........
وميحبهاش ليه؟
ما هيا راكبه عربيه حلوة بنت الايه
ووشها زى القمر وخليط من جنسيات البشر
سمعتله بس كانت حاسه بالخطر
عارفه انو كداب زى كل البشر
كانت بتقرب وبتبعد
تحكى وتسكت
مكانتش زى اى بنت
اتدبست غصب عنها فى حب النت
........
وهو مسكين
هيعمل ايه يا حرام
غير انه يلعب دور البطل فى افلام الغرام
ما هو مش خسران حاجه
لا فاتوره ولا عنده زوجه غيورة
وكل اللى عليه يبعت لدى ودى الصورة
ويبعت شوقه فى كرت
يوصف فيه حبه بتاع النت
.......
ويعيش دور الفارس الهمام
اللى عاش طول عمره فى الالام
وعايز اللى تطبطب وتدادى
اه يا حرام
...........
ماتسيبك من الهبل
ومتعش على الامل
وكفايه عليك كده وفوء
واتعلم متبصش تانى لفوق
.............
انت لعبه خسرانه
والبنت اصلها غلبانه
للكلمه الحلوة عطشانه
وعشان هى فى حياتها تعبانه
ومش عارفه تحس بحب بجد وامانه
سمعت للفارس الهمام
اللى قلها تعالى اخرجك من الالام
وهابنيلك قصور وقصور
بس يا خساره
طلعت قصور من الاوهام
وهو ده حب النت
ودى حكايه الولد والبنت
وعجبى.....................

معلش لو كنت طولت عليكو بس الموضوع دا مهما نتكلم فيه مش هنقدر نقول كله مساؤه
تسلمي عالموضوع الجميل
وياريوت محدش يزعل من الكلام
اختلاف الراي لا يفسد في الود قضية
تقبلي مروري