ابليس عايز سيجارة قصدى ابليس طالب اعارة ....!!!!!

على باب سفارة امريكا
..لمحت ابليس و ف ايده استماره



***

..بقول له على فين
..قاللي بص
..يا هجره يا اعاره
..يا عم زهقت كفرت
..الاقيش معاك سيجاره
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد




***




..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل




***




..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته



***




...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه





ابليس قال كلمته
ابليس عايز سبجاره
قصدى
ابليس طالب اعاره

ههههههههههههههههههههه تسلمي حنين موضوع جميل وتقبلي مروري

انتى اجمل سلمى
ميرسى جدا على ردك

اولا ياريت تقبلى مرورى
ثانيا بجد موضوع حلو

اولا تقبلت مرورك طبعا ضحكة
ثانيا ميرسى جدا على ردك
نورتى الموضوع